Śtõri, dobra nûć

Vinko Kalinić 18:01:00 0 comments Komiža Moje pjesme

Tu vȅcer śtõri je rȅkal

- śînko, śal je nõ te red

jô śon śvojȅ dofinîl

pok je oparćôl prȍcak

napãrtil źĩvu

źatvorîl ponȉśtru

i śvićȕ ugośîl

i oto tãko

pôrtil je śtõri

hodîl je dȕgo

mãlo po mãlo

iś pacêncijun

iź nogȅ nã nogu

koźjîn pūtên

a kal vej nî mȍgal

kal je fûrcu iźgubîl

i kal śe umorîl

śêl je nã źemju

u hlodȕ je glôvu

naślonîl

pok je źãśpol

… ȍno ga

jośćê je nãmo

iźbandôl śe

na nû bôndu krãja

pok śe cȉri

polśmihȕje

i mõśe non

iź rãja

Vinko Kalinić

Iz zbirke
"Oltôr naśri môra"