Jedon oblok, parlafenta

12:01:00 0 comments


Meju škoje ca putuje
jedon oblok, parlafenta
cini se stot
da je ništo

da ni voda
u prohu

pok glumi
malo tvicu
malo sipu
i govori da je
vrime lipu

u sunce se obuka
svi gajord
i kuntenat

pok ol gori
još se rugo
- a ca je moli,
di su ti vesla
i penta?

vicijuž
kuri napri
ol jelne
do druge
punte

ma se isto fermo
na koji momenat
da pozdravi
svetega Ciprijana
i Vicenca,
isto svetega

i Guspu ol Spilic

- e, šjor sapunjaca
govorin ol doli
i jo njemu

putuj, kumpore, putuj
ma da obojdeš cili svit
ninder nećeš noć
ništo toko lipega
kako ca je muj škuj

Vis, 27. avrila 2020. 

Vinko Kalinić

Vinko Kalinić

Urednik

„A što bih jedino potomcima htio namrijeti u baštinu - bila bi: VEDRINA. Kristalna kocka vedrine . . .“ Tin Ujević

0 comments:

Objavi komentar